Հեղինակավոր Forbes ամսագիրը նոր վարկանիշային ցանկ է կազմել, որտեղ ներկայացրել է YouTube հոսթինգային հարթակում ամենաշատ վարձատրվող յութուբերների տասնյակը: Ըստ այդմ՝ 10-րդ հորիզոնականում է յութուբյան դիմահարդարման ասպարեզում հայտնի աստղ Ջեֆֆրի Սթարը:
35-ամյա յութուբերի եկամուտը, ընդհանուր առմամբ, 15 միլիոն ԱՄՆ դոլար է կազմել՝ 2019 թվականի հունիսից մինչև 2020 թվականի հունիսն ընկած ժամանակահատվածում: Այս ժամանակահատվածում «բյութի գուրուի» յութուբյան ալիքի դիտումները կազմել են 600 միլիոն: Ինչ վերաբերում է ալիքին բաժանորդագրվածների թվին, ապա այն 16.9 միլիոն է:
9-րդ հորիզոնականում է Դեյվիդ Դոբիկը, որը յութուբյան հարթակում առավելապես հայտնի է իր հումորային տեսանյութերով: 24-ամյա Դոբրիկի եկամուտներն, ընդհանուր առմամբ, կազմում են 15.5 միլիոն ԱՄՆ դոլար՝ 2019 թվականի հունիսից մինչև 2020 թվականի հունիսն ընկած ժամանակահատվածում: Այս ընթացքում Դոբրիկի յութուբյան ալիքի դիտումները կազմել են 2.7 միլիարդ: Ինչ վերաբերում է ալիքին բաժանորդագրվածների թվին, ապա այն 18 միլիոն է:
8-րդ հորիզոնականում է Բլիփփին կամ նույն ինքը՝ Սթեվին Ջոնը, որը հոսթինգային հարթակում հայտնի է որպես «յութուբի միակ չափահաս, որը մանկական կոնտենտ է ստեղծում»: 32-ամյա տղամարդու եկամուտներն, ընդհանուր առմամբ, կազմում են 17 միլիոն ԱՄՆ դոլար՝ 2019 թվականի հունիսից մինչև 2020 թվականի հունիսն ընկած ժամանակահատվածում: Այս ընթացքում նրա յութուբյան ալիքի դիտումները կազմել են 8.2 միլիարդ: Ինչ վերաբերում է ալիքին բաժանորդագրվածների թվին, ապա այն 27.4 միլիոն է:
7-րդ հորիզոնականում է Նաստյան՝ Անաստասիա Ռադզինսկայան, որը հարթակում հայտնի է իր հոր հետ լեգոներ խաղալով ու կրթական տեսանյութեր ներբեռնելով: 6-ամյա յութուբյան աստղի եկամուտներն, ընդհանուր առմամբ, կազմում են 18.5 միլիոն ԱՄՆ դոլար՝ 2019 թվականի հունիսից մինչև 2020 թվականի հունիսն ընկած ժամանակահատվածում: Այս ընթացքում նրա յութուբյան ալիքի դիտումները կազմել են 39 միլիարդ: Ինչ վերաբերում է ալիքին բաժանորդագրվածների թվին, ապա այն 19.6 միլիոն է:
6-րդ հորիզոնականում է Փրեսթոն Արսեմենթը, որի ալիքը հիմնված է Minecraft խաղի վերաբերյալ տեսանյութերի վրա: 26-ամյա երիտասարդի եկամուտներն, ընդհանուր առմամբ, կազմում են 18.5 միլիոն ԱՄՆ դոլար՝ 2019 թվականի հունիսից մինչև 2020 թվականի հունիսն ընկած ժամանակահատվածում: Այս ընթացքում նրա յութուբյան ալիքի դիտումները կազմել են 3.3 միլիարդ: Ինչ վերաբերում է ալիքին բաժանորդագրվածների թվին, ապա այն կազմում է 19.6 միլիոն:
/arc-anglerfish-arc2-prod-dmn.s3.amazonaws.com/public/66FZSKGY7BJAWYT2735OLWSZDA.jpg)
5-րդ հորիզոնականում է Մարկիփլիերը (Մարկ Ֆիշբախը), որն առավելապես հայտնի է իր յութունյան ալիքում մի շարք տեսախաղերի մեկնաբանություններով: 31-ամյա յութուբերի եկամուտներն, ընդհանուր առմամբ, կազմում են 19.5 միլիոն ԱՄՆ դոլար` 2019 թվականի հունիսից մինչև 2020 թվականի հունիսն ընկած ժամանակահատվածում: Այս ընթացքում նրա յութուբյան ալիքի դիտումները կազմել են 3.1 միլիարդ: Ինչ վերաբերում է ալիքին բաժանորդագրվածների թվին, ապա այն կազմում է 27.8 միլիոն:
4-րդ հորիզոնականում են Ռեթթն ու Լինքը (Rhett and Link)-ը, որոնք յութուբում են արդեն 8 տարի: Յութուբերները հայտնի են իրենց սեփական «Good Mythical Morning» (Բարի առասպելական առավոտ) հաղորդաշարով: 43 և 42-ամյա յութուբերների ընդհանուր եկամուտը կազմում է 20 միլիոն ԱՄՆ դոլար՝ 2019 թվականի հունիսից մինչև 2020 թվականի հունիսն ընկած ժամանակահատվածում; Այս ընթացքում նրա յութուբյան ալիքի դիտումները կազմել են 1.9 միլիարդ: Ինչ վերաբերում է ալիքին բաժանորդագրվածների քանակին, ապա այն կազմում է 41.8 միլիոն:
3-րդ հորիզոնականում է Dude Perfect յութուբյան ալիքը: Այն հիմնել են 5 եղբայրներ Քոբի և Քորի Քոթթոնները (երկվորյակներ են), Ջերեթ Հիլբերթը, Քոդի Ջոնսը և Թայլեր Թոնին: Ալիքը հիմնականում հայտնի է երիտասարդների կողմից տարբեր խաղեր խաղալու մասին տեսանյութերով: 33-ամյա (բացառությամբ Թոնիի, որը 31 տարեկան է) յութուբերների ընդհանուր եկամուտը կազմում է 23 միլիոն ԱՄՆ դոլար՝ 2019 թվականի հունիսից մինչև 2020 թվականի հունիսն ընկած ժամանակահատվածում: Այս ընթացքում նրանց յութուբյան ալիքի դիտումները կազմել են 2.77 միլիարդ: Ինչ վերաբերում է ալիքին բաժանորդագրվածների քանակին, ապա այն կազմում է 57.5 միլիոն:
2-րդ հորիզոնականում է Mr. Beast-ը՝ Ջիմմի Դոլանդսոնը, որն իր յութուբյան ալիքում առավելապես ներբեռնում է հումորային տեսանյութեր: 22-ամյա այս յութուբերի ընդհանուր եկամուտը կազմում է 24 միլիոն ԱՄՆ դոլար՝ 2019 թվականի հունիսից մինչև 2020 թվականի հունիսն ընկած ժամանակահատվածում: Այս ընթացքում նրա յութուբյան ալիքի դիտումները կազմել են 3 միլիարդ: Ինչ վերաբերում է ալիքին բաժանորդագրվածների քանակին, ապա այն կազմում է 47.8 միլիոն:
1-ին հորիզանականում է Ռայան Քաջին: 9-ամյա յութուբյան աստղի ալիքում կարելի է գտնել տեսանյութեր, որոնք պատմում են խաղալիքների, գիտական փորձարկումների և ընտանիքի մասին: Երեխայի ընդհանուր եկամուտը կազմում է 29.5 միլիոն ԱՄՆ դոլար՝ 2019 թվականի հունիսից մինչև 2020 թվականի հունիսն ընկած ժամանակահատվածում: Այս ընթացքում նրա յութուբյան ալիքի դիտումները կազմել են 12.2 միլիարդ: Ինչ վերաբերում է ալիքին բաժանորդագրվածների քանակին, ապա այն կազմում է 41.7 միլիոն:
