Լոս Անջելեսի կինոքննադատների Ասոցիացիան (LAFCA) ռուսաստանցի ռեժիսոր Կանտեմիր Բալագովի «Դիլդա» ֆիլմը 2020 թվականի լավագույն օտարալեզու ֆիլմն է ճանաչել։ Այս մասին հաղորդում է НСН-ն՝ վկայակոչելով ասոցիացիայի մամուլի ծառայությանը:
Ռուս ռեժիսորի ֆիլմը պատմում է ռազմաճակատային երկու ընկերուհիների մասին, որոնք հետբլոկադային Լենինգրադում փորձում են հարմարվել խաղաղ կյանքին։
Կաննի 72-րդ միջազգային կինոփառատոնի «Հատուկ հայացք» պաշտոնական մրցութային ծրագրում ֆիլմը միանգամից երկու պարգև է ստացել՝ մրցանակ լավագույն ռեժիսուրայի համար և կինոմամուլի միջազգային ֆեդերացիայի FIPRESCI մրցանակը, բացի այդ «Դիլդա»-ն ներառվել է մի քանի արտասահմանյան պարբերականների լավագույն ֆիլմերի ու ԱՄՆ նախկին նախագահ Բարաք Օբամայի տարվա ֆիլմերի ցանկում:
