Հաղորդավարուհի, դերասանուհի Նազենի Հովհաննիսյանն Ինստագրամի իր էջի «Սթորի» բաժնում գրառում է արել Սուրբ Ծննդի մասին և նշել, որ ապաշխարելու համար պետք է հավատ խնդրել:
«Այսօր երեկոյից, երբ, ըստ եկեղեցական օրացույցի, փոխվում է օրը, սկսվում է Սուրբծննդյան պահքը: Այն մեկ շաբաթ է տևում՝ մինչև հունվարի 5-ը: Ապաշխարելու, այս մութ թունելի վերջում լույս գտնելու համար պետք է մանանեխի հատիկի չափ հավատ խնդրել: Այդ փոքրիկ հավատը կարող է սարեր շուռ տալ:
Այո՛, ամանորյա տոնախմբությունների օրերը միշտ եղել են պահոց շրջան: Սուրբ Ծնունդը պետք է հավուր պատշաճի դիմավորել:
Աստված մեր երկրին խաղաղություն և միաբանություն տա»,- գրել է նա:
Դերասանուհին նաև գրառում է արել ներելու մասին:
«Ներել բոլորին,
Ամենքին ներել:
Ներել մեզ՝ մեր մեջ,
Ներել մեզ դրսից ,
Ներել՝ ապրելով,
Իրար գտնելով,
Ապրել՝ ներելով
ու աղոթելով:
Ներել ամենքին,
Բոլորին ներել,
Ներել ինքդ քեզ
ու Աստծուց ներվել
ու վերջում հանգիստ
հողին հանձնվել… »,- գրել է Նազենին:
