«Յուվենտուսի» հարձակվող Կրիշտիանու Ռոնալդուի հարսնացուն Ջորջինա Ռոդրիգեսը, համարյա թե միջազգային սկանդալ առաջացրեց՝ Ինստագրամում տեղադրելով անվնաս գրառում: Sport24-ը պարզել է, թե ինչ է տեղի ունեցել:
Ուզբեկստանը՝ Ղազախստանի փոխարեն
Մի քանի օր առաջ Ջորջինան Instagram-ում տեղադրեց իր լուսանկարը կենտրոնական-ասիական հանդերձանքով, որը պատրաստված էր մուգ կապույտ թավշից ՝ ոսկով տպված: Հրապարակման առաջին տարբերակում նա լուսանկարի տակ թողել է հետևյալ ստորագրությունը. «Պատրաստված է ձեռքով և սիրով Ղազախստանից»:
Սա առաջ բերեց ղազախստանցի օգտատերերի մեկնաբանությունների զանգվածային արշավանքը. նրանք Ռոդրիգեսին խոստովանեցին իրենց սերը և հրավիրեցին նրան այցելել Ղազախստան: Գրառում էին կատարել նույնիսկ տեղի հայտնի մարդիկ, օրինակ ՝ մոդել Աիդա Իսաևան և ռեստորանատեր Կուանիշ Շոնբայը:
Այնուամենայնիվ, Ջորջինան խմբագրեց լուսանկարի նկարագրությունը՝ Ղազախստանը փոխարինելով Ուզբեկստանով: Սա տարակուսանք առաջացրեց ղազախների շրջանում, որոնք ակնթարթորեն փոխեցին իրենց տրամադրվածությունը և դարձան զայրացած: «Դե, ղազախներ, արթնացեք», «մենք վերցնում ենք հավանումները և ջնջում ենք մեկնաբանությունները», – գրել են ղազախները։
Բայց այս անգամ արդեն ուզբեկների ուրախ արձագանքների հերթն էր. այժմ նրանք են հեղեղել մեկնաբանությունները սրտիկներով և տարաբնույթ էմոցիաներով․․․
