The Weeknd-ի նոր տեսահոլովակը երկու օրվա ընթացքում դիտել են գրեթե 20 մլն անգամ

Կանադացի երգիչ, երգերի հեղինակ The Weekend-ի (Էյբել Թեսֆայե) նոր տեսահալովակը, որը նկարահանվել է «Save your tears» երգի հիման վրա, երաժիշտի YouTube-յան պաշտոնական ալիքում երկու օրվա ընթացքում դիտվել է մոտ 20 մլն անգամ։
Տեսահոլովակում The Weeknd-ը ելույթ է ունենում ակումբի բեմում, նրան լսում են փայլուն դիմակներ կրող մարդիկ։ Երաժիշտի դեմքը փոխված է անճանաչելիության աստիճանի. այն աղավաղված է բոտոքսի եւ սպիերի պատճառով։
Սա յուրօրինակ հղում է «After hours» սկավառակի երգերի հիման վրա նկարահանված նախորդ տեսահալովակներին, որոնցում երգիչը լրջորեն տուժել էր։