Բիլի Այլիշն իր կյանքի ու կարիերայի մասին ֆոտոալբոմ և աուդիոգիրք կթողարկի

Բիլի Այլիշը հայտնել է ֆոտոալբոմի թողարկման մասին, որը նվիրված է իր կենսագրությանը։ Դրա հետ կթողարկվի նաև աուդիոգիրք, որում Այլիշը ներկայացնում է պատմություններ, որոնք կապված են ալբոմի որոշ լուսանկարների հետ։

Նկարագրությունում նշվում է, որ գիրքը կներառի «նրա անձնական կյանքի ու կարիերայի մասին պատմություններ ու հիշողություններ, ինչպես նաև ծնողների հիշողությունները մանկության տարիներից մինչ հաջողություն, որոնք նախկինում երբեք չեն պատմվել»։

Բիլի Այլիշի ֆոտոալբոմն ու աուդիոգիրքը կթողարկվեն մայիսի 11-ին։ Փետրվարի 16-ին «Apple TV+» սթրիմինգային հարթակում տեղի կունենա երգչուհու մասին վավերագրական ֆիլմի պրեմիերան, որը ստացել է «The World’s A Little Blurry» անվանումը։