Cloudburst Entertainment-ը ձեռք է բերել «Սողոմոնի երգերը» ֆիլմի իրավունքները. Հայաստանն Ամերիկյան կինոակադեմիայի 93-րդ մրցանակաբաշխության «Լավագույն օտարալեզու ֆիլմ» անվանակարգում առաջադրելու համար ընտրել է հենց այս ժապավենը, հայտնում է Deadline-ը։ Ռեժիսոր Արման Նշանյանի ֆիլմը, որը նաև օսկարակիր «Կանաչ գիրքը» ֆիլմի պրոդյուսեր Նիք Վալելոնգայի և Ասքո Հակոբյանի հետ հանդես է եկել որպես պրոդյուսեր, կցուցադրվի 2021թ.-ին։
Նշանյանի ռեժիսորական դեբյուտը ներկայացնում է Կոմիտասի կյանքի պատմությունը։ Այն ընդգրկում է 1881-1915թթ. ընկած ժամանակահատվածը և ավարտվում կոմպոզիտոր Կոմիտասի վերջին համերգով։ Ֆիլմում խաղացել են Սամվել Թադևոսյանը, Արևիկ Գեւորգյանը, Տաթև Հովակիմյանը, Սոս Ջանիբեկյանը, Արման Նշանյանը, Արտաշես Ալեքսանյանը և Ժան Նշանյանը։
Cloudburst-ի գլխավոր գործադիր տնօրեն Սթիվ Ֆեդիսկին նշել է, որ ուրախ են այս ազդեցիկ պատմությունն ամենուր էկրաններ բարձրացնել։
Ամերիկյան կինոոկադեմիան «Լավագույն օտարալեզու ֆիլմ» անվանակարգի կարճ ցանկը կհրապարակի փետրվարի 9-ին։
