Բլոգեր Դավիթ Մանուկյանը հաստատել է, որ ամուսնացել է երգչուհի, հեռուստահաղորդավարուհի Օլգա Բուզոիվայի հետ։ Խոստովանությունը հնչել է «Պարեր աստղերի հետ» հեռուստանախագծի եթերում, որին մասնակցում է բլոգերը:
«Օլգա Բուզովան ձեր կինն է, այո՞», – Մանուկյանին հարցրել է ժյուրիի անդամ, պարուսույց Եգոր Դրուժինինը։
«Այո», – հաստատել է երիտասարդը։
Բուզովային անվանելով իր կինը Մանուկյանն ակնհայտորեն նկատի է ունեցել այն հարսանիքը, որը տեղի է ունեցել Մալդիվներում՝ տեղի սովորույթներով արձակուրդի ժամանակ, գրում է KP.RU-ն։ Բուզովան և Դավան ռոմանտիկ արարողություն են կազմակերպել օվկիանոսի ափին: Տոնակատարության լուսանկարները հայտնվել են սոցցանցերում։
Ընդ որում, պարբերականը նշում է, որ իրավաբանական ուժ ամուսնությունը չունի, քանի որ դա ընդամենը գեղեցիկ արարողություն է, որը ժողովրդականություն է վայելում զբոսաշրջիկների շրջանում։ Միջին հաշվով այն արժե 700 դոլար։
