Անցյալ շաբաթ ռեփեր Քանյե Ուեսթի հետ ամուսնալուծվելու հայց ներկայացնելուց հետո պապարացիներն առաջին անգամ Keeping Up With the Kardashians իրապատում շոուի հայազգի աստղ Քիմ Քարդաշյանին նկատել են Բևեռլի Հիլզում, գրում է Daily Mail-ը։
40-ամյա Քարդաշյանը ավագ քրոջ՝ Քորթնի Քարդաշյանի և ընկերների հետ ընթրել է Բևեռլի Հիլզում գտնվող ռեստորաններից մեկում և, ինչպես նկատում է պարբերականը, ուրախ տեսք է ունեցել։
Իրապատում շոուի աստղը կրել է կառուցվածն ընդգծող կանաչ զգեստ և նույներանգ կոշիներ։
Քիմ Քարդաշյանն ամուսնալուծվելու հայց էր ներկայացրել անցյալ շաբաթ․ զույգի ամուսնալուծության մասին լուրերը շրջանառվում են հունվար ամսից, մի շարք ԶԼՄ-ներ նշում են, որ նրանք «չեն շփվում»։
Նշենք, որ զույգն ունի չորս երեխա ունի ՝ 7-ամյա Նորթը, 5-ամյա Սեյնթը, 3-ամյա Չիկագոն և 1-ամյա Փսալմը։