«Շատ ցավոտ է գիտակցել, որ այլևս մեզ հետ չես»․ Սեւակ Խանաղյանը՝ Սոսի Խանիկյանի մասին

Երգիչ Սեւակ Խանաղյանն իր Instagram-ի Stories բաժնում նոր գրառում է կատարել՝ անդրադառնալով իր «Արցախ» ստեղծագործության խոսքերի հեղինակ՝ Սոսի Խանիկյանի մահվանը։

«Իմ սիրելի ընկեր, շատ ցավոտ է գիտակցել, որ դու այլևս մեզ հետ չես։ Ես քեզ կհիշեմ։ Հանգչիր խաղաղությամբ», – Սոսիի լուսանկարին կից գրել է Սեւակը։

Ինչպես ավելի վաղ հայտնել էր ֆոտոլրագրող Գագիկ Շամշյանը` երեկ՝ մարտի 1-ին, մահվան ելքով վրաերթ էր տեղի ունեցել Երեւանում:

Ժամը 20:20-ի սահմաններում Երևանի բնակիչ, 31-ամյա  Տիգրան Բոշյանը իր վարած «Mercedes Տ400» մակնիշի 11 ՍՍ 071 համարանիշի  ավտոմեքենայով Բաղրամյան պողոտայում՝ նախկին Կամոյի դպրոցի հարևանությամբ, վրաերթի էր ենթարկել աղջիկ հետիոտնի:

Վարորդը փախուստի չէր դիմել, ահազանգել էր Երեւանի  1-03 շտապօգնություն եւ օգնել էր օպերատիվորեն ժամանած բժիշկների հերթապահ խմբին՝ վիրավորին տեղափոխել «Արմենիա» բժշկական կենտրոն:  Սակայն, ցավոք, Սոսիի կյանքը փրկել չի հաջողվել…

Սոսին ընդամենը 35 տարեկան էր…