Ամերիկացի գործարար, Tesla և SpaceX ընկերությունների հիմնադիր Իլոն Մասկի ընտրյալը՝ Գրայմս բեմական անունով հայտնի կանադացի երգչուհի Քլեր Բուշեն, օրերս առցանց աճուրդի է հանել իր թվային արվեստի գործերը և ընդամենը 20 րոպեում վաստակել 6 մլն դոլար:
Ինչպես մանրամասնում է պարբերականը, 32-ամյա երգչուհին WarNymph անվանումով հավաքածուն աճուրդի է հանել NFT Nifty Gateway առևտրային հարթակում: Հավաքածուի ստեղծագործությունները Գրայմսը ստեղծել է իր եղբոր՝ թվային նկարիչ Մաք Բուշի հետ համագործակցությամբ:
Որոշ աշխատանքներ երգչուհին վաճառել է մեկ օրինակով, մյուսները՝ տասնյակ ու հարյուրավոր օրինակներով։
Ամենավաճառվող ստեղծագործությունը Death of the Old անվանումով տեսանյութն է, որն ուղեկցվում է ապոկալիպտիկ երկնքում թևածող մանուկ աստվածուհիների արտառոց նկարազարդումներով։ Այն ուղեկցվում է Գրայմսի երգով։
Посмотреть эту публикацию в Instagram