The Sun-ի հետազոտության համաձայն՝ «աշխարհի ամենասեքսուալ ճաղատ տղամարդու» տիտղոսին արժանացել է Մեծ Բրիտանիայի արքայազն Ուիլյամը։ Այդ տիտղոսին հավակնող դերասաններ Դուեյն «Ժայռ» Ջոնսոնը և Սթենլի Տուչին շտապել են արձագանքել այդ նորությանը:
«Գրողը տանի, ինչպե՞ս կարող էր նման բան տեղի ունենալ, երբ Լարի Դեյվիդն (ամերիկացի կատակերգու, դերասան) ակնհայտորեն հավակնում էր այդ տիտղոսին։ Պահանջում եմ ձայների վերահաշվարկ»,- Twitter-ում կատակել է Դուեյն Ջոնսոնը։
Մինչդեռ դերասան Սթենլի Տուչին Instagram-ում տեղադրել է ճաղատ հոլիվուդյան աստղերի լուսանկարների կոլաժը՝ կատակելով, որ «աշխարհի ամենասեքսուալ ճաղատ տղամարդու» տիտղոսակրին ընտրելու հրաշալի տարբերկաներ կային։
Ավելի վաղ The Sun-ը հայտնել էր, որ կոսմետիկ վիրաբուժության մասնագետների կողմից անցկացված հետազոտության համաձայն՝ Google-ի որոնողական համակարգում օգտատերերը 17,6 միլիոն անգամ արքայազն Ուիլյամին համարել են «սեքսուալ»։
Լեգենդար բռնցքամարտիկ Մայք Թայսոնը զբաղեցրել է երկրորդ տեղը, դերասան Ջեյսոն Սթեթհեմը՝ երրորդ, իսկ երաժիշտ Pitbull-ն ու բասկետբոլի աստղ Մայքլ Ջորդանը եզրափակել են լավագույն հնգյակը:
Արքայազն Ուիլյամ
Դուեյն Ջոնսոն
Սթենլի Տուչի
Մայք Թայսոն
Ջեյսոն Սթեթհեմ
Pitbull