Դատական կատարածուները հարկադիր կատարողական վարույթ են հարուցել դերասանուհի Անաստասիա Զավորոտնյուկի դեմ: Այս մասին հայտնի է դարձել Starhit պորտալին:
Նշվում է, որ ընդհանուր առմամբ արտիստը ունեցել է երկու պարտք՝ ընդհանուր շուրջ 80 հազար ռուբլիի չափով: Վերջին կատարողական վարույթը հարուցվել էր մարտի կեսերին:
2020-ի դեկտեմբերին լրագրողները հրապարակեցին տվյալներ ռուսական շոու բիզնեսի աստղերի պարտքերի մասին: Հետո բացահայտվեց, որ Զավորոտնյուկը հինգ տարվա ընթացքում կուտակել է 68 հազար ռուբլու չափով պարտքեր:
2019-ին հայտնի դարձավ, որ Անաստասիա Զավորոտնյուկի մոտ գլխուղեղի քաղցկեղ է հայտնաբերվել: Նրա ներկայացուցիչները հրաժարվում էին մեկնաբանել նրա վիճակը: 49-ամյա դերասանուհին ներկայումս բուժում է ստանում հիվանդանոցից դուրս, նրա գտնվելու վայրը հստակ հայտնի չէ:
