Ալբանիայի, Բուլղարիայի, Մոլդովայի, Սերբիայի, Հունաստանի, Ֆինլանդիայի, Պորտուգալիայի, Իսլանդիայի, Շվեյցարիայի և Սան Մարինոյի ներկայացուցիչները երկրորդ կիսաեզրափակչի արդյունքներով դուրս են եկել «Եվրատեսիլ-2021» երաժշտական միջազգային մրցույթի եզրափակիչ փուլ, նշված է մրցույթի թվիթերյան պաշտոնական միկրոբլոգում:
Առաջին կիսաեզրափակչի արդյունքներով եզրափակզում իրենց տեղերն էին ամրագրել Ռուսաստանի, Նորվեգիայի, Իսրայելի, Ադրբեջանի, Մալթայի, Լիտվայի, Կիպրոսի, Շվեդիայի, Բելգիայի և Ուկրաինայի ներկայացուցիչները:
Եզրափակիչ փուլին ավտոմատ կերպով՝առանց մրցութային փուլերը հաղթահարելու, մասնակցելու իրավունք ունի Նիդերլանդները՝ որպես մրցույթը հյուրընկալող երկիր, ինչպես նաև Մեծ Բրիտանիան, Իսպանիան, Գերմանիան, Իտալիան և Ֆրանսիան:
Մեծ եզրափակիչը կկայանա մայիսի 22-ին:
Հայաստանն այս տարի, հաշվի առնելով Արցախյան վերջին պատերազմի և դրա հետևանքների գործոնը, չի մասնակցում մրցույթին:
