Նախօրեին պապարացիները հոլիվուդյան դերասանուհի և երգչուհի Ջենիֆեր Լոպեսին և հայտնի դերասան Բեն Աֆլեքին լուսանկարել են Արևմտյան Հոլիվուդի «Փենդրի» ռեստորանի մոտ գրկախառնված, գրում է Page Six-ը:
Նշվում է, որ զույգը ռեստորանում ռոմանտիկ ընթրիք է ունեցել, որից հետո Աֆլեքի մեքենայով հեռացել է։
Լուսանկարներում երևում է, որ Լոպեսն ինչ-որ պահի իր գլուխը դրել է Աֆլեքի կրծքին։
Նշենք, որ զույգի՝ հաճախակի դարձած հանդիպումների մասին ԶԼՄ-ները գրում են արդեն մի քանի շաբաթ․ իրազեկ աղբյուրները հայտնում են, որ Լոպեսը շատ երջանիկ է։
Երգչուհին ու Բեն Աֆլեքը նշանադրված են եղել 2002-ից 2004 թվականներին։ Լոպեսը մի առիթով Աֆլեքից բաժանությունն անվանել է «իր կյանքի առաջին մեծ վիշտը»։
Նախկինում դերասանուհին ամուսնացած է եղել պարող Քրիս Ջուդի և Օջանի Նոայի, ինչպես նաև հայտնի երգիչ Մարք էնթոնիի հետ, որի հետ ամուսնությունից զույգ երեխաներ ունի։ Բեն Աֆլեքը հոլիվուդյան դերասանուհի Ջենիֆեր Գարներից բաժանվել է 2018 թվականին: Զույգն ունի երեք երեխա:
