Հոլիվուդյան հայտնի դերասան Բրեդլիի Քուփերին և նախկին կնոջը՝ սուպերմոդել Իրինա Շեյքին, նկատել են իրենց դստեր՝ Լեա դե Սենի հետ Նյու Յորքում զբոսնելիս, գրում է բրիտանական Daily Mail պարբերականը և հավելում, որ լուսանկարները հրապարակվել են Քիմ Քարդաշյանի նախկին ամուսնու` ռեփ կատարող Քանյե Ուեսթի և սուպերմոդելի նոր սիրավեպի մասին լուրերի ֆոնին։
Պապարացիների կողմից հրապարկավծ լուսանկարներում Իրինա Շեյքը կրում է Burberry ապրանքանիշի սպիտակ շապիկ, որի վրա ձկան պոչեր են նկարազարդված, սև տաբատ և սանդալներ՝ տեսքն ամբողջացնելով արևային ակնոցով և պայուսակով։
Daily Mail-ը մեկ այլ հրապարակմամբ մեջբերել է Keeping Up With the Kardashians իրապատում շոուի ավարտի առթիվ հաղորդավար Էնդի Քոհենի հրավիրած հարցազրույցի ընթացքում ամերիկահայ աստղ Քիմ Քարդաշյանի արտահայտությանը։ Ի պատասխան հաղորդավարի այն հարցին, թե ինչու իր և Քանյե Ուեսթի ամուսնությունը «չաշխատեց», 40-ամյա աստղը նշել է, որ պատճառը մեկը չի եղել և հավելել, որ Քանյեն միշտ ընտանիքի անդամ կմնա՝ շեշտելով, որ դա իր միակ իրական ամուսնությունն է եղել, հակառակ դրանից առաջ 2 անգամ ամուսնացած լինելուն։
«Պատճառը մեկը չի եղել, դրանք բազում հարցերի շուրջ տարբեր կարծիքներն են եղել։ Ես 4 երեխա ունեմ և կարծում եմ ծնողները չեն կարող այլ բան ցանկանալ քան միասին լինելը։ Ինքս դրա միջով անցնելով եմ մեծացել», – ասել է Քիմը և հավելել, որ Քանյեն նախ իր ընկերն է եղել և չի կարող դա կորցնել։ Նա նշել է, որ նրանք հիանալի հարաբերություններ ունեն համատեղ ծնողական պարտականությունները կատարելիս և շեշտել, որ Քանյեն միշտ ընտանիքի անդամ է լինելու։ Քիմը նշել է, որ Քանյեի հետ ամուսնությունն իր առաջին իրական ամուսնությունն է եղել։