Ռոնալդուի և նրա հարսնացուի նոր լուսանկարը 1 ժամում հավանել է 4 մլն մարդ (լուսանկար)

Թուրինի «Յուվենտուս» ֆուտբոլային ակումբի հարձակվող, հանրահայտ ֆուտբոլիստ Կրիշտիանու Ռոնալդուի և նրա հարսնացուի՝ Ջորջինա Ռոդրիգեսի նոր լուսանկարը մեկ ժամում հավանել է 4 միլիոն մարդ։

Լուսանկարը, որտեղ զույգը պատկերված է ծովի և լեռների ֆոնին, արվել է իսպանական Մայորկա կղզում։ Հայտնի զույգը, որը լայն ժպտում է տեսախցիկին, կրում է սպիտակ զգեստներ։

«Իմ գեղեցկուհի թագուհին»,- Ինստագրամում հրապարակած լուսանկարին կից գրել է ֆուտբոլիստը։

Նշենք, որ Ռոդրիգեսը և Ռոնալդուն հանդիպում են 2016 թվականից։ 2018-ին հայտնի էր դարձել նրանց նշանադրության մասին։