Հաղորդավարուհի Լիլիթ Մուրադյանը նոր լուսանկար է հրապարակել, որի մեկնաբանություններում կիսվել է իր մտքերով։
Ինստագրամյան էջում հրապարակված կադրերում երկու երեխաների մայրիկը ոճային զգեստ է կրում ու արտահայտիչ շպար է ընտրել։ «Ո՞վ է ասել, որ կինը պարտավոր է միշտ անթերի տեսք ունենալ, ո՞վ է որոշում գեղեցկության չափանիշը, ո՞վ ունի իրավունք կնոջն ասելու «տեսքդ լավ չէ», «գիրացել ես», «շատ ես նիհարել», «դեմքիդ կնճիռներ են նշմարվում», «աչքերիդ տակ սև պարկեր են»։ Մեզ այսօր խաբում են՝ ցույց տալով աստղերի, ովքեր անգամ մեծ տարիքում երևում են երիտասարդ, մեզ խաբում են թանկարժեք քսուքներով, սրսկումներով, կոսմետիկ պարագաներով, մենք անվերջ փորձում ենք ավելի գեղեցիկ դառնալ, բայց ոչ…
Դու արդեն գեղեցիկ ես, եթե քեզ սիրում են, ու դու սիրում ես, եթե քեզ սպասում են, որովհետև դու սպասված ես։ Մենք բոլորս ենք գեղեցիկ, երբեք թույլ չտաք, որ ձեզ կոմպլեքսավորեն արհեստական փաթեթավորումներով, մեր դեմքին և աչքերում մեր իսկ ապրած կյանքն է»,- սոցցանցերի իր էջերում գրել է նա։
