«Մաքրամաքուր գնաց, իր խղճի ու տեսակի առաջ մաքուր». Նազենի Հովհաննիսյանի գրառումը՝ Հայկոյի մասին

ShowBiz.am-ն ինչպես ավելի վաղ տեղեկացրել էր, այսօր մահացել է սիրված երգիչ Հայկոն։ Հայտնի երգչի անժամանակ կորստի առթիվ սոցցանցերի իրենց էջերում գրառումներ են արել շոու-բիզնեսի հայ ներկայացուցիչները։

Հաղորդավարուհի, դերասանուհի նազենի հովհաննիսյանը Ֆոյսբուքի իր էջում գրել է․

«Մաքառեց, պայքարեց, մաքրվեց ու համբարձվեց:
Մի կերպ ինձ հավաքեցի, որ գրեմ…
Հավերժ պայքարեց անորակ երաժշտության դեմ՝ ստեղծելով մեղեդի, որակ, հուզելով, անկեղծանալով իր երգով, հոգին մեզ բացելով….
Մաքրամաքուր գնաց… իր խղճի ու տեսակի առաջ մաքուր…
Որակով մնաց, ընկեր ու անդավաճան հայ մնաց ու անմահացավ իր հնչյունով…
Մենք՝ աղքատացանք…
Իսկ ինքը ուղղակի գնաց վերև…. սիրո ճամփով դեպի վերև….
Հայկո ջան, ընկեր ջան, ախպեր ջան…. ինչի՞ էիր էդքան շտապում….
Խաղաղ մնա, Հայկո ջան…
Կարոտներով թողեցիր…»։