Իսպանիայի երեք խոշորագույն ընկերությունները նախկին թագավոր Խուան Կառլոսի ենթադրյալ սիրուհուն վճարել են 4,6 միլիոն ֆունտ ստերլինգ՝ նրանց սիրավեպի մասին ապացույցները գաղտնի պահելու համար, ասվում է ոստիկանության նախկին կոմիսարի՝ արտահոսած հուշագրերում:
Ինչպես գրում է Daily Mail-ը, Repsol, Santander և Telefonica ընկերությունները 1990-ականներից սկսած մաս-մաս 1,8 միլիոնական ֆունտ ստեռլինգ են վճարել Իսպանիայի անվտանգության ծառայություններին, որոնք այնուհետև գումարը փոխանցել են մոդել, «Միսս աշխարհ» մրցույթի մասնակից Բարբարա Ռեյին:
Նշվում է, որ գումարի փոխանցման ուղին փոխվել է այն բանից հետո, երբ 1996-2006 թվականներին Իսպանիայի վարչապետ Խոսե Մարիա Ազնարը հանդիպել է Repsol-ի ղեկավար Ռամոն Բլանկո Բալինին և խնդրել նրան իրեն փոխանցել միջոցները՝ հավաստիացնելով, որ մյուս ընկերությունները նույնպես վճարում են:
Այս պատմությունը բացահայտվել է այն բանից հետո, երբ Իսպանիայի անվտանգության ծառայության նախկին ղեկավար Էմիլիո Ալոնսո Մանգլանոն իր հուշերում պնդել է, որ Ռեյն իր և թագավոր Կառլոսի մասնակցությամբ տեսաերիզներ ունի և մեծ գումարներ է ստացել դրանք գաղտնի պահելու համար:
Ռեյը հերքել է, որ երբևէ գումար է ստացել Խուան Կառլոսից կամ նրա շրջապատից որևէ մեկից: Օրագրում նշված ընկերություններից ոչ մեկը չի մեկնաբանել տեղեկությունը:
Խուան Կառլոսը գահից հրաժարվել է 2014-ին:
