Հոլիվուդյան դերասան Նիկոլաս Քեյջը բացահայտել է, որ ինքն ու երիտասարդ կինը՝ 27-ամյա Ռիկո Շիբատան, սպասում են համատեղ երեխայի լույս աշխարհ գալուն: 58-ամյա Քեյջի խոսքով՝ իրենք սպասում են աղջիկ երեխայի, գրում է Daily Mail-ը:
Բացի այդ, դերասանը խոստովանել է, որ ինքն ու կինը որոշել են նորածին աղջկան անվանակոչել աշխարհահռչակ երաժիշտ Ջոն Լենոնի, ինչպես նաև Քեյջի հանգուցյալ հոր՝ Օգիի պատվին: Արդյունքում լույս աշխարհ գալուց հետո աղջկան կանվանեն Լենոն Օգի:
Հոլիվուդյան աստղի պատմելով՝ հայրը միշտ միացնում էր Ջոն Լենոնի գրած Across The Universe երգը, որն իր համար ամենասիրելին է և հատուկ տեղ է զբաղեցնում սրտում:
Հայտնի է, որ Քեյջի համար սա կլինի երրորդ երեխան:
