Ջոնի Դեփը հայտարարել է իր և նախկին կնոջ՝ Էմբեր Հերդի միջև դատական գործընթացին նվիրված երգ թողարկելու մտադրության մասին, հայտնում է The Guardian-ը։
Երգի թողարկումը նախատեսված է հուլիսի 15-ին, որում դերասանը խոսում է նախկին կնոջ դեմ երկարատև դատավարության մասին: Երգը կներառվի Դեփի և կիթառահար Ջեֆ Բեքի համատեղ «18» ալբոմում։ Երաժշտի խոսքով՝ համատեղ սկավառակի վրա աշխատանքը նրանց մեջ պատանեկան ոգին է արթնացրել:
«Մեր պատանեկան ոգին բոցավառվեց, երբ Ջոնին և ես սկսեցինք միասին նվագել: Մենք կատակում էինք, որ մեզ նորից 18 տարեկան ենք զգում, հենց սա էլ առիթ դարձավ ալբոմի վերնագրի համար»,- ասել է Բեքը:
Ավելի վաղ հաղորդվել էր, որ Ջոնի Դեփը թողարկել է Killing Joke ռոք խմբի «The Death and Resurrection Show» երգի քավր տարբերակը։
