Դերասանուհի Էմբեր Հերդի ներկայացուցիչները պնդում են, որ նա մոտ 50 միլիոն դոլարի ֆինանսական վնաս է կրել նախկին ամուսնու՝ Ջոնի Դեփի զրպարտության պատճառով։ Այս մասին ասվում է հրապարակված դատական փաստաթղթերում, այս մասին VNews Culture-ի փոխանցմամբ գրում է The Daily Beast-ը։
Հերդի ներկայացուցիչները պնդում են, որ դերասանուհին 3-5 տարվա ընթացքում կորցրել է 47-50 միլիոն դոլար։ Բացի այդ, հոլիվուդյան աստղի փաստաբանները նշել են, որ մինչ դատավարությունը Հերդի՝ որպես դերասանուհու կարգավիճակը համեմատելի էր այնպիսի կինոաստղերի մակարդակի հետ, ինչպիսիք են Ջեյսոն Մոմոան, Գալ Գադոտը, Զենդայան, Անա դե Արմասը և Քրիս Փայնը։
Ավելի վաղ Էմբեր Հերդը վաճառքի էր հանել Կալիֆորնիայի առանձնատունը, որպեսզի վճարի դատարանի վճռի հետ կապված վճարումները:
Ջոնի Դեփի և Էմբեր Հերդի միջև դատավարության ավարտից հետո դերասանուհուն պարտավորեցրել են նախկին ամուսնուն վճարել ընդհանուր 8,3 միլիոն դոլար։ Լրատվամիջոցների տվյալներով՝ նա որոշել է աստիճանաբար հավաքել անհրաժեշտ գումարը՝ սկսած առանձնատան վաճառքից։
Ամռան սկզբին ավարտվել է հոլիվուդյան ամենաաղմկահարույց դատավարությունը։ Ջոնի Դեփը կարողացավ դատարանին ապացուցել, որ իր նախկին կինը զրպարտել է իրեն՝ մեղադրելով սեռական և ընտանեկան բռնության համար։
