Վերջին ամիսների ամենաքննարկվող հայտնի զույգերից մեկը՝ Քիմ Քարդաշյանն ու Փիթ Դևիդսոնը, բաժանվեցին, ինչը դարձավ այս շաբաթավերջի գլխավոր աստղային նորությունը։ Քարդաշյանների ընտանիքին ամենամոտ գտնվող Page Six հրատարակության համաձայն՝ բաժանման պատճառը եղել է զուգընկերների տարիքային տարբերությունը։
«Փիթը 28 տարեկան է, իսկ Քիմը՝ 41, և նրանք կյանքում շատ տարբեր առաջնահերթություններ ունեն:
Փիթը ինքնաբուխ և իմպուլսիվ է և ցանկանում է, որ նա անմիջապես թռչի Նյու Յորք կամ որտեղ էլ, որ լինի: Սակայն Քիմը չորս երեխա ունի, և դա հեշտ չէ անել: Քիմը նվիրված մայր է, և նրա երեխաները միշտ առաջին տեղում կլինեն նրա համար։ Նա ցանկանում է և կարիք ունի ներդաշնակության տանը և կյանքում»,- մեկնաբանել է աղբյուրը։
Ինսայդերը նաև նշել է, որ Քարդաշյանը, ով ղեկավարում է բազմաթիվ բիզնեսներ և նկարահանումների մասնակցում , «լիովին հյուծված է այս հարաբերություններից և իր կյանքում կատարվող այլ բաներից»: Այդ թվում՝ սկանդալային ամուսնալուծությունը նախկին ամուսնուց՝ Քանյե «Յե» Ուեսթից։
