Սիլվա Հակոբյանի դուստրը՝ Միլան, օրեր առաջ դարձել է 3 տարեկան: Տոնական օրվա լուսանկարները երգչուհին տրամադրել է BRAVO.am-ին, նաեւ խոսել ապագա բալիկի և նոր տեսահոլովակի մասին:
«Տարեդարձին ամեն ինչ կազմակերպել էինք իր ցանկությամբ և իր սիրելի գույների մեջ: Հյուր էին եկել մուլտհերոսներ, եւ մանկական շոու-ծրագրից անմասն չմնացինք նաեւ մենք: Բարձր տրամադրություն ուներ, ոգեւորված էր ամեն ինչով: Մեր նպատակն իր օրը տոն դարձնելն էր, ինչը ստացվեց: Այնքան հագեցած ու ուրախ անցավ, որ տունդարձի ճամփին ուժասպառ քնեց»,- պատմել է Սիլվան:
Շուտով երգչուհին նոր տեսահոլովակ կներկայացնի, որը նկարահանվել է «Տուկ-տուկ» երգի հիման վրա. «Հեղինակը քույրս է, գործիքավորել է եղբայրս, իսկ ռեժիսորը Կարեն Ստեփանյանն է: Կարծում եմ՝ մինչեւ ամսվա վերջ պատրաստ կլինի»:
Երգչուհու երկրորդ բալիկը կծնվի սեպտեմբերին. «Անունն արդեն որոշել ենք՝ Սառա: Միլան շատ է սպասում: Արդեն որոշում է, թե ինքը որտեղ պետք է քնի, քույրը` որտեղ: Հուսով եմ՝ շատ չի խանդի, և լավ ընկերուհիներ կդառնան»:
