Քանյե Ուեսթը գիտի, թե ինչպես ստիպել բոլորին խոսել իր մասին. Մեկ շաբաթ առաջ ռեփերը սկանդալ էր հրահրել Քիմ Քարդաշյանի և Փիթ Դևիդսոնի բաժանման մասին իր հայտարարությամբ։ Անկեղծ ասած, մենք արդեն մտածում էինք, որ ռեփերը կրկին կփորձի վերադարձնել նախկին կնոջը, բայց ոչ։ Երևում է, որ երաժիշտը վերջապես վերապրել է նախկին կնոջ բաժանումը և պատրաստ է նոր հարաբերությունների։
Երեկ Քանյեին նկատել են Մալիբուի իր տան տարածքում։ Պապարացիները Ուեսթին բռնացրել են խորհրդավոր անծանոթուհու ընկերակցությամբ։ Աղջիկը Balenciaga-ի ֆուտուրիստական ակնոցի օգնությամբ թաքցրել է դեմքը լուսանկարիչներից, սակայն լրագրողները պարզել են աղջկա անունը։ Ռեփերի ընտրյալը Մոնիկա Կորգանն է՝ OnlyFans-ի մոդելներից։
Հարկ է նշել, որ Քանյեին առաջին անգամը չէ, որ նկատում են աղջկա ընկերակցությամբ։ Ամռան սկզբին զույգը միասին գնացել էր Թոմ Քրուզի նոր մարտաֆիլմի՝ Top Gun: Maverick ֆիլմի պրեմիերային։ Այնուհետև լրագրողները գրում էին այն մասին, որ ռեփերի և մոդելի միջև կարող է լինել ավելին, քան պարզապես ընկերություն։
