Ամերիկացի դերասանուհի Սիդնի Սուինին այժմ համարվում է Հոլիվուդի ամենագեղեցիկ և հաջողակ աստղերից մեկը։ Նա մեծ ժողովրդականություն է ձեռք բերել շնորհիվ «Էյֆորիա» հեռուստասերիալում դերի, որում նա մարմնավորում է դեռահաս աղջկա՝ Քեսիին։ Օրերս դերասանուհին զրուցել է լրագրողների հետ ու խոսել անցած եթերաշրջանների նկարահանումների մասին։
Deadline Sunday-ի հետ զրույցում Սիդնին պատմել է, թե որ տեսարանն է իրեն ամենից շատ նյարդայնացրել։ «Էյֆորիայի» երկրորդ եթերաշրջանի նկարահանումների ժամանակ նա մի խողովակ է պահել բերանում, որը պետք է նպաստեր սրտխառնոց ունենալուն:
«Ես պետք է ինձ պահեի այնպես, ասես ոչինչ չի պատահել, իսկ հետո, ճիշտ պահին, պետք է սիրտս խառներ»,- հիշել է դերասանուհին:
Աստղը հիշել է նաև այն պահը, երբ վերջին եթերաշրջանում պետք է բեմ բարձրանար։ Դերասանուհին խոստովանել է, որ միշտ վախեցել է հանրության առաջ ելույթ ունենալուց։ «Բայց Մոդ Ապատոուն և ես հիանալի ժամանակ անցկացրինք: Այդ պահն ինձ համար շատ ավելի հաճելի դարձավ»,- բացատրել է Սուինին: