Մեկով պակաս գեղեցիկ զույգ Հոլիվուդում. լրագրողները հայտնում են, որ Սիլվեստր Ստալոնեն և Ջենիֆեր Ֆլավինը բաժանվել են 25 տարվա ամուսնությունից հետո։ Նախօրեին մոդելը ամուսնալուծության հայց է ներկայացրել և ամուսնուն մեղադրել ընտանեկան ֆոնդի ակտիվների հետ կապված խարդախության մեջ։ Սակայն հարցը միայն սա չէ։ Լուրեր են պտտվում, որ զույգը պարբերաբար վիճաբանություններ է ունեցել։ Իբր, վերջին կաթիլը եղել է նոր շան շուրջ ստեղծված կոնֆլիկտը։ Սիլվեստրը ցանկանում էր ձեռք բերել ռոտվեյլեր՝ իր ընտանիքը պաշտպանելու համար, սակայն նրա կինը կտրականապես դեմ էր դրան։
Սակայն դերասանը չի հերքում, որ ինքն ու կինը վիճել են ընտանիքի նոր անդամի համար, սակայն, ըստ նրա, դա չի եղել նրանց բաժանման պատճառը։ «Մենք չենք խզել հարաբերությունները նման չնչին վեճի պատճառով։ Մենք պարզապես որոշեցինք գնալ տարբեր ուղղություններով: Ես շատ եմ հարգում Ջենիֆերին։ Ես միշտ կսիրեմ նրան: Նա զարմանալի կին է։ Նա ամենալավ մարդն է, ում ես երբևէ հանդիպել եմ»,- ասել է Սիլվեստրը TMZ-ին։
Ըստ ինսայդերների՝ դերասանը ցնցված է եղել Ջենիֆերի որոշումից։ Պարզվում է՝ նա չգիտեր, որ կինը պատրաստվում է բաժանվել իրենից։ «Դուք չէիք կարող պատկերացնել ավելի գեղեցիկ զույգ… կինն այցելել է դերասանին Օկլահոմա Սիթիում, որտեղ նա նկարահանվում էր: Ամեն ինչ կարծես հիանալի էր։ Ես պատկերացում չունեմ, թե ինչ է տեղի ունեցել»,- Page Six-ին ասել է աղբյուրը:
