Հոլիվուդյան դերասան Ջոնի Դեփը MTV Video Music Awards մրցանակաբաշխության ժամանակ անսպասելիորեն հայտնվել է բեմում՝ տիեզերագնացի հագուստով, գրում է Daily Mail-ը:
Սա Դեփի առաջին հրապարակային ելույթն էր այս տարվա հունիսին նախկին կնոջ՝ Էմբեր Հերդի նկատմամբ դատարանում տարած հաղթանակից հետո:
«Գիտեք՝ ինձ աշխատանք էր պետք»,- կատակել է Դեփը՝ արժանանալով հանդիսատեսի բուռն ծափահարություններին:
Դեփը նաև կատակով խնդրել է իրեն հրավիրել տարբեր միջոցառումների.«Ես ուզում եմ, որ դուք իմանաք, որ հասանելի եմ ծննդյան, մկրտության, հարսանիքի, հուղարկավորության կամ ուրիշ արարողությունների համար»։
