Օգոստոսի 31-ին Իտալիայում տեղի է ունեցել Վենետիկի 79-րդ կինոփառատոնի բացումը։ Կարմիր գորգի վրա են հայտնվել Քեթրին Դենյովը, Հիլարի Քլինթոնը, Ջուլիանա Մուրը, Ալեսանդրա Ամբրոսիոն, Մելանի Լորանը և այլք։
Կինոփառատոնը սկսվել է կինոյում ավանդի համար մրցանակի շնորհման արարողությամբ, որը հանձնվել է դերասանուհի Քեթրին Դենյովին։
Այս տարի կինոփառատոնը բացեց ռեժիսոր Նոա Բաումբախի «Սպիտակ աղմուկ» ֆիլմը, որը նկարահանվել է Netflix կինոստուդիայի կողմից։ Ֆիլմում նկարահանվել են Ադամ Դրայվերը և Գրետա Գերվիգը։
Ընդհանուր առմամբ, կինոփառատոնը կցուցադրի 19 կինոգործիչների, այդ թվում՝ Լարս ֆոն Թրիերի, Փոլ Շրյոդերի, Կիմ Կի Դուկի և այլոց աշխատանքը։ Միջազգային ժյուրին այս տարի գլխավորել է դերասանուհի Ջուլիանա Մուրը։
Այս տարի պատմության մեջ առաջին անգամ առյուծի փոխարեն Վենետիկի կինոփառատոնի խորհրդանիշն է դարձել էգ առյուծը։ Ինչպես պատկերացրել են կազմակերպիչները, այն խորհրդանշում է «էներգիան և թեթևությունը՝ դառնալով հույսի, ագրեսիայի-դաժանության մերժման խորհրդանիշ»։
