Երեկ Նյու Յորքի նորաձևության շաբաթը փակվեց Թոմ Ֆորդի ցուցադրությամբ։ Բելլա և Ջիջի Հադիդները բարձրացել են պոդիում, իսկ Մադոննան և նրա դուստրը՝ Լուրդես Լեոնը, Բրուքլին Բեքհեմը և Նիկոլա Պելցը, Քեթի Հոլմսը, Շալոմ Հարլոուն և այլ հայտնի մարդիկ զբաղեցրել են առաջին շարքի տեղերը: Նորաձևության խմբագիր Նադյա Բեչետնիկովան պատմում է, թե ինչպես է անցել ցուցադրությունը։
Թոմ Ֆորդը վերադարձել է իր պատվավոր պարտականությանը՝ փակել Նյու Յորքի Նորաձևության շաբաթը (նա չեղարկել է իր ցուցադրությունը այս տարվա փետրվարին, ըստ տեղեկությունների, արտադրության խնդիրների պատճառով՝ կապված կորոնավիրուսային համաճարակի հետ): Նա այժմ լրացրել է կորցրած ժամանակը հավաքածուի ցուցադրությամբ, որի մեծ մասը բաղկացած էր փայլուն զգեստներից. այն կարծես լավատեսության և կյանքի ուրախության հրատապ կոչ լիներ:
Եզրափակիչ հատվածում 80-ականների աշխույժ հիթերը փոխարինվեցին Ֆրեդի Մերկուրիի Time Waits For No One-ով, որի խոսքերը, ավաղ, տխուր կոնտեքստ ունեն. Փորդն իր ամուսնուն կորցրել է գրեթե մեկ տարի առաջ:
