Եղիսաբեթ II թագուհու մահն անդրադարձել է նաև թագավորական ընտանիքի երիտասարդ անդամների կյանքի վրա։ Նախօրեին Քեյթ Միդլթոնը և արքայազն Ուիլյամը խոսել են այն մասին, թե ինչպես են 9-ամյա Ջորջը, 7-ամյա Շառլոտան և 4-ամյա Լուին հաղթահարում իրենց մեծ տատիկի մահվան լուրը։
Հասարակության ներկայացուցիչների հետ հանդիպման ժամանակ Ուելսի արքայազնն ու արքայադուստրն ասել են, որ իրենց երեխաները «լավ են»: Հավելելով, որ նրանք օգնում են թագավորական ժառանգներին մնալ «առօրյա ռիթմի մեջ»։ «Նրանք դպրոցում են և նրանց մասին լավ հոգ են տանում»,- նշել է Քեյթը: «Նրանք առօրյայի ռիթմի մեջ են և երջանիկ են: Նրանք նոր ընկերների հետ են»:
Արքայազն Ուիլյամը նաև հաստատել է, որ Ջորջը, Շառլոտան և Լուին «լավ» են սովորում։ «Նրանք հարմարվում են. Մենք փորձում ենք ամեն ինչ վերահսկողության տակ պահել և ուղղորդել նրանց»,- ասել է Ուելսի արքայազնը։ Նաև հավելել է, որ դպրոցում խոսում են իր տատիկի մահվան մասին. «Դա ճիշտ է: Շատ խոսակցություններ կան»: