Սա առաջին դեպքը չէ, երբ Քորթնի Քարդաշյանի հետևորդները կարծում են, որ հեռուստաաստղը հղի է։ Նա և Թրևիս Բարքերն ամուսնացան այս գարնանը և պատրաստվում են երեխա ունենալ: Բայց, ինչպես Քորթնին ինքն է ասել, այժմ պետք է անցնեն IVF պրոցեդուրաների դժվարին ճանապարհը, և մինչ այժմ դա արդյունք չի տվել։ Հորմոնալ թերապիան ազդել է կնոջ ոչ միայն հուզական, այլև ֆիզիկական վիճակի վրա։ Հետևաբար, նրա կազմվածքը իսկապես կարող էր փոխվել, բայց երկրպագուները երբեմն դա ընկալում են որպես հղիության նշան:
Հավանաբար այս անգամ ևս այդպես է։ Քորթնի Քարդաշյանը նոր լուսանկար է հրապարակել, որտեղ, ըստ հետևորդների, «կասկածելի» կերպով բռնել է իր որովայնը։ Աստղը նկարահանել է իր Lemme ապրանքանիշի գովազդի նկարահանումների կուլիսները:
Հիշեցնենք, որ 2021 թվականի հոկտեմբերի 17-ին Թրևիս Բարքերն ամուսնության առաջարկ արեց Քորթնի Քարդաշյանին։ Blink-182-ի թմբկահարն իր սիրելիին օվկիանոսում ադամանդե մատանի է նվիրել՝ շրջապատված հազար կարմիր վարդերով։ Գարնանը նրանք շքեղ հարսանիք արեցին։
