Ոչ վաղ անցյալում Լեոնարդո ԴիԿապրիոն բաժանվեց իր ընկերուհուց՝ Կամիլա Մորրոնից, ում հետ միասին էին հինգ տարի։ Բայց դերասանը երկար չի տանջվել. տաբլոիդները գրում են, որ հոլիվուդյան աստղը սիրահարված է Ջիջի Հադիդին։ Հաղորդվում է, որ մոդելը չի փոխադարձել դերասանին։ Եվ ահա թե ինչու։
Ինչպես նշում է Daily Mail-ը, մեղավոր են եղել Ջիջի Հադիդի ընկերուհիները։ Աղբյուրի համաձայն՝ մոդելն ընկերություն է անում ԴիԿապրիոյի նախկին սիրելիներից շատերի հետ, այդ թվում՝ Ժիզել Բունդխենի, Բլեյք Լայվլիի, Էրին Հիզերթոնի, Թոնի Գարնի, Քելի Ռորբախի և Նինա Ագդալի հետ։ Ըստ երևույթին, նախկին սիրահարները Հադիդին զգուշացրել են Լեոյի հետ անձնական փորձառության մասին պատմություններով, ուստի Հադիդը չի շտապում հարաբերությունների մեջ մտնել դերասանի հետ։
Նաև մոդելային բիզնեսից ինսայդերը նշել է, որ Հադիդը «չափազանց հասուն է իր տարիքի համեմատ»: «Նա ձուկ է որսում փոքրիկ լճակում, և եկավ մի պահ, երբ արդեն գրեթե բոլոր հայտնի մոդելները հանդիպել էին նրա հետ»:
Հիշեցնենք, որ չնայած տաբլոիդների բոլոր ենթադրություններին, Հադիդը ժամանակ է անցկացնում Լեոյի հետ։ Ճիշտ է, ասում են, որ դրանք ամենևին էլ ժամադրություններ չեն, այլ ընդհանուր ընկերների հետ երեկույթներ։
