Կինոաշխարհի ամենահայտնի դերասանական զույգերից մեկը՝ Ջորջ Քլունին և Ջուլիա Ռոբերտսը, որոնք նկարահանվել են «Տոմս դեպի դրախտ» ռոմանտիկ կոմեդիայում, պատմել են նկարահանման հրապարակում ուշագրավ պահերի մասին:
Ինչպես գրում է Daily Mail-ը, ֆիլմում դերասանները մարմնավորում են ամուսնալուծված զույգի, որը, ինչպես հետագայում պարզվում է, դեռ սիրում է միմյանց:
Դերասանները խոստովանել են, որ ստիպված են եղել համբուրվել Քլունիի կնոջ՝ իրավապաշտպան Ամալ Քլունիի և նրանց երկու երեխաների՝ հնգամյա Ալեքսանդրի և Էլլայի աչքի առաջ:
Լրագրող Հոդա Կոբտը հոլիվուդյան աստղերի հետ զրույցում հետաքրքրվել է՝ արդյոք տարօրինակ զգացողություն չէ՞ր մտերիմ ընկերոջ հետ տեսախցիկի առջև համբուրվելը:
Քլունին ծիծաղելով պատասխանել է.«Այդտեղ էին նաև կինս ու երեխաներս»:
Հետո Ռոբերտսը շտապել է հավելել, որ ինքն ու Քլունին խնդրել են, որ երեխաներին նկարահանման հրապարակից հեռացնեն համբույրի տեսարանների ժամանակ:
«Դա առաջին օրն էր, երբ նրանք եկան… հայրի՜կ, մորքույր Ջուջո՜ւ, մենք էլ՝ օ՜, հեռացրեք նրանց այստեղից»,- վերհիշել է Ռոբերտսը:
Ավելի վաղ նրանք պատմել էին, որ ռոմանտիկ կոմեդիայում համբույրի տեսարանը նկարահանել են 80 անգամից:
61-ամյա Քլունին և 54-ամյա Ռոբերտսը նախկինում միասին նկարահանվել են «Օուշենի 11 ընկերները» ֆիլմում և դրա սիքվելներում, ինչպես նաև «Փողի հրեշ» կինոնկարում:
![They rehearsed: While promoting their latest film together, the longtime friends teased that their on-screen smooch took 'like, six months' to perfect. 'Yeah. I told my wife [ Amal Clooney ], 'It took 80 takes,' the actor told The New York Times . 'She was like, "What the hell?"'](https://i.dailymail.co.uk/1s/2022/10/10/16/59676137-11194341-They_rehearsed_While_promoting_their_latest_film_together_the_lo-a-7_1665416484119.jpg)
