Այս շաբաթավերջին տեղի ունեցավ այն, ինչին քչերն էին հավատում․ Հեյլի Բիբերն ու Սելենա Գոմեսը հաշտվեցին 7 տարվա թշնամությունից հետո։ Համացանցում հայտնվել են լուսանկարներ, որոնցում աստղերը միասին կեցվածք են ընդունում Ակադեմիայի թանգարանի գալա երեկոյի ժամանակ։ Պատկերացնում եք համացանցի օգտատերերի արձագանքը. Նրանք հիացած էին այս լուրով, իսկ ոմանք դեռ չեն կարողանում հավատալ, որ «երդվյալ» թշնամիները բարեկամացել են։
«Academy Museum Gala-ում Սելենան և Հեյլին հնարավորինս հանգիստ էին: Նրանք ցանկանում էին աշխարհին ցույց տալ, որ իրենց միջև այլևս տարաձայնություններ կամ վատ զգացմունքներ չկան»,- Entertainment Tonight-ին ասել է ինսայդերներից մեկը: Բացի այդ, աղբյուրը նաև բացահայտել է, թե ինչպես է վերաբերվել Ջասթին Բիբերին այն փաստին, որ իր կինը այժմ ընկերություն է անում իր նախկինի հետ. «Նա շատ գոհ է, որ նրանք բոլորը կարող են հանգիստ առաջ շարժվել»:
Հիշեցնենք, որ Ջասթին Բիբերի նախկին սիրելի Սելենա Գոմեսի և նրա ներկայիս կնոջ՝ Հեյլի Բիբերի միջև «պատերազմը» սկսվել է նախկին զույգի բաժանումից հետո։ Շատ երկրպագուներ դեռ համոզված են, որ Հեյլին Սելենայից խլել է Բիբերին։
