Բուլղարիան չի մասնակցի Եվրատեսիլ 2023 երգի մրցույթին ֆինանսական միջոցների սղության պատճառով։ Այս մասին հայտնում է «24 часа» հրատարակությունը։
Լրատվամիջոցների հաղորդմամբ՝ որոշումը կայացրել է Բուլղարիայի ազգային հեռուստատեսության (BNT) խորհուրդը։
BNT-ի վարչությունը հայտնել է, որ հեռարձակողի բյուջեն կրճատվել է 2 միլիոն լևայով (ավելի քան մեկ միլիոն դոլար), մինչդեռ ծախսերը գրեթե եռապատկվել են։
Բուլղարական կողմը նաև նշել է, որ «Եվրատեսիլ»-ի նման շոուներն արդարացված չեն էներգետիկ ճգնաժամի ֆոնին։
Հոկտեմբերի 16-ին հայտնի դարձավ, որ մի շարք երկրներ որոշել են հրաժարվել Լիվերպուլում կայանալիք Եվրատեսիլ 2023 երգի մրցույթին մասնակցելուց։ Նրանց թվում են Չեռնոգորիան, Բոսնիա և Հերցեգովինան, Հյուսիսային Մակեդոնիան և Բուլղարիան: Բացի այդ, կասկածի տակ է Սլովենիայից ժամանած մասնակցի առաջիկա ելույթը։
