Հոլիվուդյան դերասանուհի Անջելինա Ջոլին կլինի նոր ֆիլմի գլխավոր հերոսուհին՝ խաղալով վառ դեր՝ օպերայի երգչուհի Մարիա Կալլասին․ նոր նախագծի ռեժիսորն է Պաբլո Լարենը։ «Մարիա» անունը կրող ֆիլմը պատմում է աշխարհի մեծագույն օպերային երգչուհու բուռն, գեղեցիկ և ողբերգական կյանքի պատմությունը, ըստ Vogue-ի:
«Իմ երկու ամենախոր կրքերի՝ կինոյի և օպերայի համադրությունը իմ երազանքն էր: Դա անել Անջելինայի՝ չափազանց համարձակ և հետաքրքրասեր արտիստուհու հետ, հիանալի հնարավորություն է: Իսկական նվեր»,- ասել է Լարենը Variety-ին տված մեկնաբանությունում:
«Ես շատ լուրջ եմ վերաբերվում Մարիայի կյանքի և ժառանգության պատասխանատվությանը: Ես կտամ այն ամենը, ինչն անհրաժեշտ կլինի մարտահրավերներին դիմակայելու համար: Պաբլո Լարեյնը ռեժիսոր է, որով ես երկար ժամանակ հիացել եմ», – ասել է Ջոլին:
Ինչպես գիտեք, Կալլասը 20-րդ դարի ամենահայտնի օպերային երգչուհին է։ Նա ծնվել է Նյու Յորքում՝ հույն-ամերիկյան ընտանիքում, և համաշխարհային ճանաչում է ստացել 26 տարեկանում, երբ 1949 թվականին երգել է Ռիչարդ Վագների «Վալկիրիա» օպերայում գլխավոր դերը։
Կալլասը Միլանի Լա Սկալայի պրիմադոննան էր, նա երգում էր Մետրոպոլիտեն օպերայում և Քովենթ Գարդենում։ Բայց անձնական կյանքում նա երջանիկ չէր։
