Ամերիկացի դերասանուհի Ջեսիկա Ալբան երկրպագուներին զարմացրել է իր տեսքով՝ դիմահարդարվելուց առաջ և հետո։ Նա կիսվել է համապատասխան տեսանյութով Instagram-ի իր էջում:
Տեսանյութի սկզբում 41-ամյա հայտնին հետևորդների առջև ներկայացել է սև շապիկով և մի փոքր խոնավ մազերով՝ ցուցադրելով առանց դիմահարդարման դեմքը։ Նրա թիկունքում երևացել են ոճաբանը և դիմահարդարը։
Այնուհետև «Մեղքերի քաղաքը» ֆիլմի աստղը ձեռքով ծածկել է տեսախցիկը և հաջորդ կադրում կերպարանափոխվելուց հետո ցուցադրել է իր արտաքինը։ Նա հարթեցրել է իր մաշկի երանգը՝ հաղորդելով կարմրություն, ձևավորել հոնքերը, ներկել թարթիչները, ինչպես նաև կիրառել մոխրագույն ստվերներ և տաք վարդագույն շրթներկ: Բացի դրանից, Ալբան ուղղել է և ետ է գցել մազերը՝ դեմքին երկու փունջ թողնելով։ Նա հագել է վարդագույն հանդերձանք՝ ծավալուն ծաղիկներով զարդարված դեկոլտեով։
Տեսանյութը հավաքել է ավելի քան 58000 հավանում և օգտատերերի բազմաթիվ ոգևորված մեկնաբանություններ:
«Դու այնքան գեղեցիկ ես, որ ավելի լավ տեսք ունես մինչ դիմահարդարումը»,
«Այնքան գեղեցիկ, որ դիմահարդարում պետք չէ»,
«Շքեղ առաջ և հետո»,
«Դու կարծես չես ծերանում», – գրել են նրանք:
Ավելի վաղ ամերիկացի դերասանուհի և պրոդյուսեր Ջենիֆեր Էնիսթոնը սոցցանցերում նոր լուսանկարում ցուցադրել էր առանց դիմահարդարման իր արտաքինը։ Այսպիսով, «Friends» սերիալի 53-ամյա աստղը կիսվել է մի հրապարակմամբ, որտեղ ցույց է տվել գանգուր մազերը հարդարելու միջոց՝ օգտագործելով իր սեփական ապրանքանիշի LolaVie ապրանքանիշը:
