Հոլիվուդյան դերասանուհի Անջելինա Ջոլին արձագանքել է դերասան Փոլ Ուեսլիի նախկին կնոջ՝ 29-ամյա Ինես դե Ռամոնի հետ նախկին ամուսնու՝ Բրեդ Փիթի նոր հարաբերություններին։ Այս մասին հայտնում է Hollywood Life-ը։
Ըստ ինսայդերի՝ «Միստր և միսիս Սմիթ» ֆիլմի աստղին չի հետաքրքրում իր նախկին սիրելիի անձնական կյանքը, քանի որ նա կենտրոնացել է իր գործերի վրա։
«Նա այնքան շատ գործեր ունի անելու իր երեխաների հետ հենց հիմա, որ պարզապես չի կարողանում հետևել նրանց բոլոր քայլերին: Նաև ՄԱԿ-ի փախստականների պաշտպանության համար նրա աշխատանքը մշտական ուշադրության կարիք ունի, քանի որ աշխարհում այնքան շատ մարդիկ կան ճգնաժամի մեջ: Նա շատ զբաղված է, ուստի, երբ խոսքը վերաբերում է Բրեդին, եթե դա կապված չէ նրանց երեխաների կամ իրավական խնդիրների հետ, նա ժամանակ չի հատկացնում դրա համար»,- ասել է աղբյուրը։
Նշենք, որ Բրեդ Փիթը և Անջելինա Ջոլին բաժանվել են 2016 թվականին 12 տարվա հարաբերություններից հետո:
