Մեծ Բրիտանիայի արքայազն Ուիլյամը, ըստ տեղեկությունների, ասել է, որ երբեք չի դիտելու կրտսեր եղբոր՝ արքայազն Հարիի և նրա կնոջ՝ Մեգան Մարքլի վավերագրական սերիալը, որը ցուցադրվում է Netflix հարթակում:
Ինչպես գրում է Daily Mail-ը, նա այս մասին ասել է ընկերներին՝ նրանց խորհուրդ տալով չբորբոքել վեճը՝ եղբոր շոուից որևէ մեջբերումներով:
Ըստ աղբյուրի՝ Ուելսի արքայազնն ավելի շատ կենտրոնացած է «ապագային նայելու» և «գործը շարունակելու», այլ ոչ թե Սասեքսի դուքսի և դքսուհու հետ կռվի մեջ մտնելու ուղղությամբ:
Չնայած եղբայրների միջև տարաձայնություններին, նրանք սուրբծննդյան նվերներ կուղարկեն միմյանց երեխաներին, բայց մեծահասակների միջև նվերների փոխանակում չի լինի:
Արքայազն Ուիլյամի ընկերը Sunday Times-ին ասել է. «Նա ասում է, որ երբեք չի դիտի այն, և ես գիտեմ, որ հաստատ չի դիտի»: Մեկ այլ աղբյուր հաստատել է այս պնդումը՝ այն որակելով «ճիշտ»:
Մեծ Բրիտանիայի թագավոր Չարլզ Երրորդն ու կոնսորտ թագուհի Կամիլան ևս չեն դիտի վեց մասից բաղկացած սերիալը, ինչպես պնդել է մեկ այլ քաջատեղյակ աղբյուր:
Նշենք, որ վավերագրական սերիալը պատմում է Հարիի և Մեգանի՝ ծանոթության,ամուսնության և թագավորական ընտանիքում կյանքի, Մեծ Բրիտանիայից հեռանալու մասին:
