Այսօր երիտասարդ դերասանուհի Էվելինա Շահիրյանի և ռեժիսոր Հովհաննես Ղազարյանի հարսանիքն է: Այս մասին հայտնւմ է Tert.am Life-ը:
«Նախորդ տարի պատահմամբ տեսել էի հարսի զգեստ ու պահել էի լուսանկարը, իսկ այս տարի, երբ պատրաստվում էի հարսանիքին որոշեցի այն կարել՝ որոշակի ձևափոխություններ կատարելով»,- հայտնել է դերասանուհին:
Դերասանուհին նշել է, որ հարսի տան արարողությանը լինելու են ընտանիքի անդամներն ու մտերիմ ընկերուհիները:
«Պսակադրությունը կայանալու է Սուրբ Սարգիս մայր եկեղեցում և որոշել ենք, որ ավանդական արարողություններ չեն լինելու, այլ տանը կլինեն ընտանիքի անդամները: Մեր հարսանիքի քավորն է Միկա Ղափլանյանն, իսկ քավորկինը բնականաբար Մարիամ Ադամյանը, որն իր լուման ունի իմ և Հովհաննեսի ծանոթության մեջ»,- նշել է Էվելինա Շահիրյանը:
Դերասանուհին նաև հավելել է, որ հարսանիքին լինելու է 3 ազաբ և 3 հարսնաքույր:
«Ազաբներն են դերասաններ Հայկ Դարբինյանը, Մկրտիչ Քեբաբչյանը և Հովհաննեսի ընկերը՝ Կարլոսը, իսկ հարսնաքուրիկներն իմ ուսանողական տարիների ձեռքբերումներն են, որոնք կողքիս են լինելու այս կարևոր օրը»,- հավելել է դերասանուհին:
