Իրինա Շեյքն այս աշնան մեր ոգեշնչումն է։ Համոզված ենք, որ ոչ միայն մենք, այլև նրա երկրպագուներից շատերը մեկ անգամ չէ, որ պահպանել են նրա ամենօրյա կերպարներից պապարացիների նկարները՝ փորձելով կրկնել դրանք: Եվ պետք է նշել, որ ամենից հաճախ դրանք շատ իրական գաղափարներ են։ Սովորաբար Իրինան ընտրում է պարզ իրեր, որոնք համարձակորեն համադրում է ավելի ընդգծված դետալների հետ, ինչպես նաև վառ աքսեսուարներ է ավելացնում դրանց։ Այսպիսով, մոդելը կարող է համադրել նույնիսկ առաջին հայացքից չափազանց տարբեր, իրար չհամապատասխանող տարրերը:
Այսպիսով, նախօրեին նրա նոր հանդերձանքը կրկին հայտնվել է համացանցում: Եվ այս անգամ ամեն ինչ նորից մանրուքների մեջ է: Իր ամբողջովին սև տեսքին Իրինա Շեյքը ավելացրել է Maison Margiela-ի թրենդային բարձր կոշիկները և վառ նարնջագույն Hermès Birkin պայուսակը, որը նա կրում է մեկից ավելի սեզոն: Vogue ամսագիրը գրում է, որ նրան առաջին անգամ նկատել են այս խորհրդանշական պայուսակով մոտ 10 տարի առաջ։ Առանց չափազանցության նա տարիներ շարունակ հավատարմորեն ծառայել է Շեյքին։ Եվ պետք է խոստովանենք, որ նույնիսկ այսքան տարի անց այն ոչ միայն չի կորցրել իր արդիականությունը, այլև տեսքը։
Հիշեցնենք, որ Իրինա Շեյքը վերջերս փորձել էր Gucci-ի վիրուսային միկրոբիկինին, որը նախկինում փորձել էր Քիմ Քարդաշյանը։
