Ջենիֆեր Լոուրենսի արտաքինը վերջին շրջանում ակտիվորեն քննարկվում է համացանցում։ Համացանցի որոշ օգտատերեր կարծում են, որ Hunger Games-ի աստղն օգտվել է պլաստիկ վիրաբույժի ծառայություններից։ Նոր հարցազրույցում դերասանուհին ասել է, որ դա այդպես չէ։
«Անհավանական է, թե ինչ կարող է անել դիմահարդարումը, քանի որ ես հենց դրա հետ եմ աշխատում: Հունգ Վաննգոն (հայտնի դիմահարդար) ընդգծում է շուրթերս։ Ես նրան անվանում եմ պլաստիկ վիրաբույժ: Փաստն այն է, որ այն պահից, երբ ես սկսեցի աշխատել նրա հետ, բոլորը համոզված են, որ ես աչքի վիրահատություն եմ տարել»,- Interview Magazine-ին տված հարցազրույցում բացատրել է դերասանուհին։
Նա նաև նշել է, որ տարիքը նույնպես իրեն զգացնել է տալիս (նա այժմ 33 տարեկան է): «Ես սկսել եմ դերասանությամբ զբաղվել 19 տարեկանից, ուստի համացանցում կան իմ բազմաթիվ լուսանկարներ, որոնցում ես 19-ից 30 տարեկան եմ։ Եվ ես միշտ ասում եմ. «Ես ծերացել եմ: Իմ դեմքը նիհարել և փոխվել է, քանի որ ես մեծացել եմ », – նշել է նա:
«Բոլորը կարծում են, որ ես վիրահատել եմ քիթս, բայց ես ասում եմ՝ ես ճիշտ նույն քիթը ունեմ: Այտերս փոքրացել են։ Շնորհակալություն այս թեման բարձրաձայնելու համար»,- վերջում հավելել է դերասանուհին։
Հիշեցնենք, որ անցյալ տարվա գարնանը դերասանուհին առաջին անգամ մայր է դարձել՝ ծնվել է նրա որդին՝ Սայը։ Տղան ծնվել է արվեստաբան և գեղարվեստական գործակալ Կուկ Մարոնեյից։ Զույգը համեստորեն ամուսնացել է Նյու Յորքում 2018 թվականին։
![](https://showbiz.am/wp-content/uploads/2023/11/0dc4cdc2895233c686b7c95aa24d8cf3-682x1024-1.jpg)
![](https://showbiz.am/wp-content/uploads/2023/11/f852ed6f302004eff3a8221f342b6763.jpg)