«Մթնշաղի» առաջին մասի ռեժիսորը պատմել է, որ այսօր նոր Բելլայի և Էդվարդի դերերում տեսնում է Ջեննա Օրտեգային և Ջեյքոբ Էլորդիին։ Այս մասին Քեթրին Հարդվիկը ասել է Happy Sad Confused փոդքաստում:
Նա խոսել է նաև այն ցանկությունների մասին, որոնք կցանկանար իրականացնել որպես ռեժիսոր. «Ինձ համար հաճելի կլիներ նկարահանել «Մթնշաղ» տիեզերքում: Ես ուրախ կլինեի, եթե այս անգամ անեի լրիվ այլ բան»,- խոստովանել է կինը։
Ի դեպ, այս գարնանը լուրեր տարածվեցին, որ Մթնշաղի հիման վրա նկարահանված սերիալի վրա աշխատանքներ են սկսվել։ Առայժմ մենք միայն գիտենք, որ Վայք Գոդֆրին և Էրիկ Ֆեյգը կծառայեն որպես գործադիր պրոդյուսերներ: Ֆեյգը Lionsgate Motion Picture Group-ի նախկին համանախագահն է, իսկ Գոդֆրին և նրա Temple Hill պրոդյուսերական ընկերությունը արտադրել են հինգ վամպիրական ֆիլմեր:
Հիշենք, որ ֆիլմաշարը բաղկացած էր հինգ ֆիլմից, որոնք թողարկվել են 2008-ից 2012 թվականներին։ Նրանք հավաքեցին ավելի քան երեք միլիարդ դոլար համաշխարհային դրամարկղում և ժողովրդականություն բերեցին Ռոբերտ Պատինսոնին, Քրիստեն Ստյուարտին և Թեյլոր Լոթներին:
