Մեգան Մարքլի համբավը վերջին ամիսների ընթացքում չափազանց շատ է ընկել։
Սասեքսի դքսուհին, ում անսովոր էին թագավորական կյանքի ճոխությունները, ցանկացավ փորձել ամեն ինչ ու միանգամից, ինչի հետևանքով էլ արժանացավ հասարակության հակակրանքին ու քննադատություններին։
Մարքլի բացասական ազդեցությունն այնքան մեծ է թագավորական ընտանիքի վրա, որ Եղիսաբեթ 2-րդ թագուհին արգելել է իր հյուրերին խոսել արքայազն Հարրիի կամ Մեգան Մարքլի մասին։
Սա թագավորական ընտանիքում դարձել է չգրված օրենք, որովհետև բոլոր հյուրերը, այցելելով թագուհուն, տառապում են Սասեքսի դուքսերից բամբասելու անհագ ցանկությամբ։
Սակայն ամեն բան դեռ կորած չէ։
Մարքլը որոշել է վերականգնել իր բարի անունը, որը նա վաստակել էր մեծ դժվարությամբ ու քրտնաջան աշխատանքով։ Նրան այդ հարցում օգնելու է «ժողովրդի սիրելի Քեյթը», ով լավ է հասկանում, թե ինչ է ուզում տեսնել բրիտանացին և հեշտությամբ է կարողացել արժանանալ ժողովրդի համակրանքին ու սիրուն։ Խոսակցություններ էին պտտվում,որ դքսուհիների հարաբերությունները թշնամական են, սակայն հայտնվելով բարդ ու անլուծելի իրավիճակում՝ Մարքլը որոշել է դիմել երբեմնի մրցակցի օգնությանը։
Այս մասին հայտնում է The Mirror լրատվամիջոցը։
