Բրիթնի Սփիրսի հոր ոտքը կտրել են: Այս մասին հայտնում է TMZ-ը։ Վիրահատությունն արել են տղամարդու օրգանիզմ ներթափանցած վարակի պատճառով, և այն հեռացնելու մի քանի փորձերից հետո բժիշկները որոշել են անդամահատել վարակված վերջույթը:
Ըստ աղբյուրի՝ նա վիրահատվել է մեկ ամիս առաջ։ Հենց այդ ժամանակ էլ լուրեր հայտնվեցին, որ երգչուհու հայրը տեղափոխվել է հիվանդանոց և վիրահատվել։ Աղբյուրները նաև պատմում են TMZ-ին, որ Բրիթնին վերջերս մեղմացել է հոր հանդեպ և պատրաստ է հաշտվել նրա հետ (Ջեյմին նույնպես դեմ չէ դրան):
Ավելի վաղ Բրիթնի Սփիրսի հայրն իր առաջին մեծ հարցազրույցն էր տվել երգչուհու խնամակալությունից ազատվելուց հետո։ Նա 13 տարի վերահսկում և սահմանափակում էր նրա ազատությունը։
![](https://showbiz.am/wp-content/uploads/2023/12/rs_600x600-150621122000-600.spears.cm_.62115-e1701771766637-1024x752.jpg)