Աշխարհի ու Եվրոպայի չեմպիոն Նազիկ Ավդալյանի մասին պատմող «Մեդալի հակառակ կողմը» ֆիլմի նկարահանումներն ընթացքի մեջ են: Ռեժիսոր Աննա Հարությունյանը BRAVO.am-ին պատմել է, որ դերասանների ընտրությունը մանրակրկիտ է կատարվել:
«Ստեղծագործական թիմից բացի, շատ կարևոր էր դերասանական ուժեղ կազմ ունենալ, քանի որ սցենարում պատահական դերեր ու դրվագներ չկան: Ներգրավված դերասանների մասնագիտական ու մարդկային որակներին հանդիսատեսը վաղուց է ծանոթ: Ինձ համար էլ որպես նախագծի հեղինակի՝ այսպիսի կազմն ամուր թիկունք է»,- խոստովանել է Հարությունյանը:
Նազիկ Ավդալյանին մարմնավորում է հենց Աննա Հարությունյանը, դերասանական կազմում են Արտաշես Ալեքսանյանը, Դավիթ Հակոբյանը, Մկրտիչ Արզումանյանը, Բաբկեն Չոբանյանը, Խորեն Լևոնյանը, Անահիտ Քոչարյանը, Արուսիկ Գրիգորյանը, Սոս Ջանիբեկյանը:
Ավելի վաղ դերասանուհին լուսանկար էր հրապարակել Խորեն Լևոնյանի հետ ու գրել. «Խորիկին սիրում են բոլորը: Մարդ, որը երբևիցե չկորցրեց իր նկարագիրը, այս դժվար ժամանակներում հավատարիմ մնաց իր գործին և կոչմանը: Խորիկն առաջինն էր, ով միացավ ֆիլմին՝ անսահման ուժ ու հավատ փոխանցելով ինձ հետագա պայքարի համար»:
![](https://showbiz.am/wp-content/uploads/2023/12/a3c9f56280ec1720a7140fa659e3be31-683x1024.jpg)
![](https://showbiz.am/wp-content/uploads/2023/12/0698198b7aefbdbdb81a396fb9d4d716-682x1024.jpg)
![](https://showbiz.am/wp-content/uploads/2023/12/a7eb1b0871235bbf9f7bbe71e5f1e716-683x1024.jpg)
Աղբյուր՝ Bravo.am