Հայտնի է դարձել, թե ով է փոխարինելու Մաքսիմ Գալկինին ռուսական Առաջին ալիքի «Лучше всех» շոուում, որը հաղորդավարը վարում էր արտերկիր մեկնելուց առաջ։ Նոր հաղորդավարուհու անունը հայտնում է StarHit-ը։ Հստակեցվում է, որ շոուն շուտով կվերադառնա էկրաններ։
Լրագրողների տեղեկություններով՝ մանկական հեռուստատեսային տաղանդների շոուն վարելու է հեռուստահաղորդավարուհի Ժաննա Բադոևան, ով հայտնի է իր աշխատանքներով այնպիսի նախագծերում, ինչպիսիք են «Орёл и решка»-ն և «Жизнь других»-ը։ Ներկայումս Բադոևան գտնվում է Հոնկոնգում, որտեղ նկարահանում է «Жизнь других» շոուի նոր դրվագը։
«Лучше всех» շոուում ներկայացված են տաղանդավոր երեխաներ, ովքեր խոսում են իրենց մասին և ցուցադրում իրենց կարողությունները եթերում: Հաղորդումը, ինչպես և շատ այլ ժամանցային հաղորդումներ, եթեր չի հեռարձակվում 2022 թվականի հունվարից։
Մաքսիմ Գալկինը կնոջ՝ Ալլա Պուգաչովայի և երեխաների հետ միասին լքել է Ռուսաստանը 2022 թվականի փետրվարին՝ հրապարակայնորեն արտահայտվելով Ուկրաինայում ռուսական ռազմական հատուկ գործողության դեմ։
