A$AP Rocky-ն հայտնել է, որ Ռիհաննան աշխատում է նոր ալբոմի վրա։ Փարիզում երկրպագուների հետ հանդիպման ժամանակ երկրպագուներից մեկը նրան հարցրել է փոփ-դիվայի ալբոմի հետ կապված նորությունների մասին։ Ռեփերը պատասխանել է, որ երգչուհին իսկապես զբաղված է նոր երգեր ստեղծելով։
Ի դեպ, երգչուհին ավելի վաղ Vogue-ին տված հարցազրույցում խոստովանել էր, որ այս տարի մտադիր է գոհացնել իր երկրպագուներին։ «Անկեղծ ասած, ծիծաղելի կլիներ, եթե դա չլիներ այս տարի: Բայց ես պարզապես ուզում եմ զվարճանալ: Ես պարզապես ցանկանում եմ երաժշտություն և տեսահոլովակներ նկարահանել»,- ասել է Ռիհաննան։
Հիշեցնենք, որ Ռիհաննայի վերջին ալբոմը թողարկվել է 2016 թվականին։ Փոփ-դիվան բացատրել է, որ այդ ժամանակվանից ի վեր ձայնագրություն չի թողարկել, քանի որ չի կարող ստեղծել երաժշտություն, որը նույն մակարդակի վրա է, ինչ Anti-ն: Նա այս ալբոմը համարում է իր երաժշտական կարիերայի լավագույններից մեկը։
